Idrizi: Hungaria është tjetër kundërshtar me më shumë kualitet, edhe ne kemi cilësinë tonë

23:05 | 24 Mars 2024
D.H

Mesfushori i Kosovës, Blendi Idrizi, ka pranuar se Hungaria është kundërshtar tjetër në krahasim me Armeninë.

Ai e ka vlerësuar paraqitjen ndaj Armenisë, duke thënë se ka mundur të shënojnë edhe gola të tjerë.

“Unë besoj që paraqitja ka qenë e mirë dhe ka qenë e rëndësishme ta fitojmë ndeshjen. Kemi hyrë në lojë mirë, kemi pasur raste për një ose dy gola më shumë. Në 15 minutat e fundit kundërshtari ka bërë më shumë presion, por ajo është normale, por për ne është e rëndësishme që kemi fituar ndeshjen. Atmosfera është shumë e mirë”.

“Hungaria është tjetër kundërshtar me më shumë kualitet. Edhe ne kemi cilësinë tonë dhe duhet ta bëjmë edhe një tjetër paraqitje të mirë”, ka theksuar Idrizi.

“Na jep motivim shumë më shumë. Stadiumi duhet të jetë i mirë. Por edhe me tifozë dhe pa tifozë, ne duhet të jemi të motivuar”, ka deklaruar Idrizi.

Kombëtarja e Kosovës do të luaj ndeshjen e radhës miqësore të martën në Budapest ndaj Hungarisë./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm